حمله نظفو اجهزتكم من الفيروسات

Soso231974 · 11-12-2009, 08:54 PM


	من طلب الدنيا بعمل الاخره فقد خسرهما ومن طلب الاخره بعمل الدنيا فقد ربحهما ..~ حياكـ الله في هذي الحملة نبغى منك حمااااس وتحطين يدك بيدي وننظف أجهزتنا .. اختي.. خليني اليوم أتكلم بكلام ملؤه الحب .. كلام من قلبيـ ...... لعله يصل إلى قلبكِـ .. حبيبتي تدرين فيه فيروسات منتشره في أجهزتنا .. حتى لو انتي مركبه كاسبر سكاي .. ولا نورتن انتي فايروس .. نود .. ما تنفع هذي كللللها .. الفيروس اللي بقول لك عليه ما تحاربه هذي البرامج .. وهو منتشر بشكل فظيييع .. ويخرب أشياء أكثر من هارديسك وبيانات .. يدخل كل انواع الاجهزة وكل الانظمة .. يدخل بدون ما تحسين .. لانه يدخل بالتدريج .. خطوة خطوة .. الموضوع مهم يا حبيبتي .. ابغاك تنتبهين معي علشان تعرفين من وين يجيك هالفايروس ؟.. وتسدين الثغرة اللي عندك .. وتتخلصين منه من البدايه .. بداية دخوله تختلف من شخص لشخص .. بس هو يدخل بزلة منك .. . . أوضح لك أكثر .. . . يعني ممكن تتصفحين موقع فيه صور خليعه وتنظرين لها .. وتستنكرين المناظر .. بس بكره لما تدخلين تكون عادي شوي وممكن تحفظين وحده منهم على جهازك .. .. الآن دخل الفيروس .. أو يمكن من مقطع فيه موسيقى أو شيء من أغنيه .. أو مسرحية ساقطة .. يعني بعد الصورة بتحفظين صوررر .. وبعدها بتحفظين أغاني .. وبعدها مقاطع فيديو .. وهكذا خطوات الشيطان .. والفيروس ينتشر طبعا هو ما يعمل على جهازك ولا يخربه .. لكن هو ينتقل مباشرة إلى قلبك ويلهيك عن الذكر .. يبعدك عن ربك .. عن القرآن .. يخليك تأخرين الصلاة .. تهملين أوامر أمك .. ما تنتبهين لدراستك .. ويغضب عليك ربك . تخيلي بس في موقع من المواقع حطيتي صورتك الشخصية أو توقيعك صورة بنت فاتنه .. انتي ما صورتيها ولا الصورة صورتك انتي الحقيقية .. لكن كتبتي شيء وطلعت هالصورة وشافها شاب مسلم .. وفتحت له باب شيطان .. ووقف لحظة يناظر ويتأمل .. سيئات تكتب عليه وعليك .. بعد هالصورة هو راح وفتح صفحات ثانية يدور صور على شاكلة هالصورة ويشوف وش الأحلى ؟.. يمكن يحفظها في جهازه وينزلها في موقع ثاني .. وكل صورة يشوفها تنكتب سيئات عليه وعليك .. وتخيلي كم من أمة محمد بيطالع هالصورة .. يمكن تجره إلى مزلق من مزالق الشيطان يمكن يقع في كبيره من الكبائر .. ويجي يوم القيامه يقول ياربي انا كنت في حالي بس البنات يحطون صور تثيرني .. يا ربي فلانه هي السبب .. يقول الله تعالى : " قَدْ مَكَرَ الَّذِينَ مِنْ قَبْلِهِمْ فَأَتَى اللَّهُ بُنْيَانَهُمْ مِنَ الْقَوَاعِدِ فَخَرَّ عَلَيْهِمُ السَّقْفُ مِنْ فَوْقِهِمْ وَأَتَاهُمُ الْعَذَابُ مِنْ حَيْثُ لَا يَشْعُرُونَ (26)" سورة النحل يعني غير ذنوبك بتحملين ذنوب غيرك .. وبغير علم يعني انتي ما تدرين ولا تحسين .. يالله ترحمنا بس .. حبيبتي .. ستوب .. فكري .. حبيبتي .. لا تتهاونين .. قليل الشر يجلب من الشر الكثير .. وقليل الخير يجلب من الخير أكثر .. تخيلي لو بدلتي صورتك الشخصية أو توقيعك بعبارة لا إله إلا الله .. أو استغفر الله .. أو دعاء أو حديث .. كل واحد قرأها كتب لك حسنة والحسنة بعشر أمثالها [ والله يضاعف لمن يشاء ] .. تخيلي لو نزلتي رابط أغنية .. كم واحد بيسمعها ؟؟.. كم ذنب راح تحملين ؟؟.. كم ظلمه بتعلو وجهك ؟؟.. الذنوب لها ظلمه في الوجه والله .. تخيلي لو نزلتي رابط فيه محاضرة .. أو صوت قارئ يقرأ القرآن .. سمعها الناس في المشرق والمغرب .. وكتب لك بكل حرف حسنة والحسنة بعشر أمثالها [والله يضاعف لمن يشاء] .. الله أكبر .. تخيلي كنتي سبب هداية انسان لاهي .. جاء عنه صلى الله عليه وسلم والله ( لأن يهدي الله رجلا بك ، خير لك من أن يكون لك حمر النعم ) .. صحيح البخارى خير لك من قصور الدنيا .. خير لك من صفقات أسهم .. خير لك من أطقم ألماس .. أجر وثواب من عند الله .. وتذكري [ الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا (46)] سورة الكهف.. هذي اللي بتبقى لكـ .. بتنفعك لو ضاقت عليك الدنيا ورفعتي يديك لربك .. قالت الملائكة : يا رب هذا عبد صالح .. عملك يشفع لكـ .. بتنفعك في ظلمة قبرك وتجعله روضه من رياض الجنة .. ما تدرين يمكن أهل القبور أسعد من أهل القصور .. بسبب أعمالهم الصالحة .. هذي اللي بتنفعك يوم المحشر يوم تنزل الشمس عند راسك .. هذي اللي بتنفعك يوم تعبرين الصراط بتنور لك دربك .. هذي اللي بتعيشك اسعد عيشه في ظل عرش الرحمن .. حياة خالده .. ما تخسرين لو ادخرتي في الباقية .. ويمكن تخسرين لو ادخرتي في الفانية .. مثل ما طاح اقتصاد العالم وكلنا نشوف .. وين هالمليارات والمشاريع اللي توقفت .. حبيبتي .. حتى لو انتي بنت لا تتعودين تطالعين صور بنات باللبس العاري .. ترا كثرة المساس تميت الاحساس.. اليوم ملابسك ساتره الله يحفظك .. بكره بتلبسين الكت والشفاف والقصير وبعدها الصدر والظهر .. بسم الله عليك .. حبيبتي .. تذكري قول الرسول صلى الله عليه وسلم ( .... ونساء كاسيات عاريات مميلات مائلات . رؤوسهن كأسنمة البخت المائلة . لا يدخلن الجنة ولا يجدن ريحها . وإن ريحها لتوجد من مسيرة كذا وكذا ) صحيح مسلم لا تسوين شيء تندمين عليه .. فكري قبل .. انتي بنت .. والبنت سمعتها مثل الزجاج لامع وحلو .. لكن بسرعة ينخدش .. وهذا واقع المجتمع .. وانتي تناظرين نفسك متستره لأنك كل يوم تشوفين صور عارية .. ما تحسين .. ويا حسافة الجيل اللي بتربين .. حبيبتي .. خليك عاقلة .. يا حبيبتي .. التوبه شيء حلوو ولذيذ .. لها لذه .. جربي يوم قومي الليل وتوضئي وطفي النور وصلي في الظلام .. واخلصي في الصلاة .. ما احد يشوفك ..!! لكن قلبكـ مؤمن يقول: ربي يشوفني .. تدعين ربك بهمس اللي جنبك ما يسمعك .. لكن ربك من فوق السما يسمعك .. صدقيني بتحسين بلذة إيمانك .. لذة يحسدونك عليها أهل الطرب وأهل السهرات .. لذة ما ذاقوها ولا كان تركوا كل اللي معهم وجاو يزاحمونك .. وهذي لذة العمل الصالح بتورث في نفسك سعاااااادة تبقى ليوم الدين بإذن الله .. لكن لذة المعصية بتورث في قلبك ضيق .. وهم .. وكدر .. ولو كنتي تملكين كنوز الدنيا .. ويقسى قلبك .. حبيبتي .. قريتي كلامي ؟؟ .. والله من قلبى وان شاء الله يوصل للـقلبـ حبيبتي .. يلا نبدا الحين .. الحين .. لا تقولين بعدين .. الشيطان بيخذلك .. وانتي ما تدرين متى تجي بعدين هذي ؟.. استعجلي بالخير .. ولا تترددين .. افتحي اللايبرري .. افتحي الصور .. شوفي شيء يغضب ربك احذفيه بدون تردد .. افتحي مقاطع الصوت .. أغنية بصوت ****تحبينها ؟؟.. صح ؟.. معليش لا تخلينها احذفيها .. حبيبتي .. لا تترددين الجنة حفت بالمكاره والنار حفت بالشهوات .. تشوفينها حلوه .. بس تراها طريق للنار .. بسم الله عليك .. [ إن الله غافر الذنب وقابل التوب شديد العقاب ] تذكري عقاب شدييييييد .. بسم الله عليك .. حبيبتي .. خواتك في المنتدى بيبدلون لك ملفاتك كلها .. بشيء حلو بس ما يغضب ربي .. حملي اللي يعجبك .. وإذا كان عندك شيء بتشاركينا لا تبخلين .. واحتسبي الأجر .. لا تقولين ما أقدر .. خليك قويه .. وادعي ربي يثبتك .. عودي نفسك .. [ ... إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ.... (11)] سورة الرعد خلصنا الكمبيوتر ؟؟.. طيب ما انتهينا .. جوالك يا حبي .. خلينا نقضي على الشر من أصوله .. ولا تنسين الآيبود حقك .. حبيبتي .. الحين بتحسين براحة .. صدقيني .. تحسين انك مسوية شيء صح .. الله يثبتك قلبي .. لا تترددين في طلب أي ملفات .. كلنا عندك .. والسلام عليكم .. اسأل الله يرزقنا الإخلاص في أعمالنا .. لست بأتقاكم .. لكني حبيت أقدم شيء أذكر به قلوب غافلة .. وكلنا أهل غفلة الله يرحمنا .. مجموعة اهل السلف

ساهم في نشر والارتقاء بمنتدانا عبر مشاركة رأيك في الفيس بوك

أميرة الحب · 11-12-2009, 10:09 PM

السلام عليكم ورحمة الله وبركاته
ما شاء الله

موضوع جميل ويستحق الاعجاب والتثبيت من قبلي ...

بارك الله فيكي غاليتي سوسو

توفيق اسمر · 13-12-2009, 11:01 PM

شـكــ وبارك الله فيك ـــرا لك ... لك مني أجمل تحية .

Mazagangi2011 · 14-12-2009, 12:16 AM

موضوع جميل أختي الفاضله

جزاكي الله حيراًَ

leydey · 14-12-2009, 10:46 PM

عاشق الحور · 18-12-2009, 11:54 PM

موضوع طيب جزاكي ربي الجنه

سامح المصرى · 02-02-2010, 08:33 AM

الله اكبر . الله اكبر . الله اكبر ماشاء الله عليك وزادك الله بلاغة فى اختيار مواضيعك ولك منى الف مليون تحية

أميرة الحب · 22-04-2010, 12:49 PM

السلام عليكم ورحمة الله وبركاته
الله يكرمك سوسو

تم فك التثبيت

Soso231974 · 01-04-2011, 05:49 PM

وعليكم السلام ورحمة الله وبركاته

شكرا على ردودكم الجميلة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اى جمله ستختار بصراحه؟؟؟؟	Busy	منتـدى العـــــــام	36	08-10-2009 06:56 AM
Babylon 6 نزل يا رجالة .......... خش حمله	mahmoud	البرامج والكمبيوتر والإنترنت	5	05-05-2006 08:55 AM
قالو عن المرأه 100 جمله	الطائر الحزين	حواء والمجتمع	3	05-08-2005 06:27 PM
اصلحوا اجهزتكم بدون فورمات بعشر خطوات فقط	strength	البرامج والكمبيوتر والإنترنت	7	22-07-2005 05:07 PM

الذين يشاهدون محتوى الموضوع الآن : 1 ( الأعضاء 0 والزوار 1)

حمله نظفو اجهزتكم من الفيروسات

المواضيع الإسلامية